DIAMOND TIMES-હીરા નગરી તરીકે વિખ્યાત સુરતના ખજોદમાં સૌથી મોટું ડાયમંડ બુર્સ આકાર લઈ રહ્યું છે . સુરત સહીત સમગ્ર ગુજરાત માટે અત્યંત મહત્વાકાંક્ષી ગણાતા આ પ્રોજેક્ટમાં સેવન સ્ટાર હોટલ, રેસ્ટોરેન્ટ,10 હજાર ઓફિસ,બેંક,ગોલ્ફ કોર્સ, મેટ્રો ટ્રેન,ટેક્સટાઇલ યુનિવર્સિટીની સુવિધા મળવાની છે.66 લાખ સ્ક્વેર ફૂટમાં પંચતત્વની થીમ પર તૈયાર થઈ રહેલુ આ ડાયમંડ બુર્સ કાર્યરત થતાની સાથે જ મુંબઇનો હજારો કરોડોનો ડાયમંડ અને જ્વેલરીનો બિઝનેસ સુરતમાં ડાયવર્ટ થવાની ધારણા છે.
વિશ્વના 11 પૈકી 9 હીરાનું કટિંગ અને પોલીસિંગનું કામ સુરતમાં થાય છે.પરંતુ સુરત હીરા ઉદ્યોગનું હબ હોવા છતાં મોટા ભાગની ડાયમંડ કંપનીઓની મુખ્ય ઓફિસો મુંબઈમાં આવી છે.ડાયમંડ બુર્સ ધમધમતુ થતા જ મુંબઈની મોટા ભાગ ની કંપનીઓ સુરતમાં આવી જશે.આ ઉપરાંત અમેરીકા સહીત વિશ્વના અનેક દેશોમાથી હીરાની ખરીદી માટે બાયર્સો સુરત આવતા થશે.આમ સુરત ડાયમંડ બુર્સ ખરા અર્થમાં એક ચમકદાર હીરો અને સમગ્ર ગુજરાત માટે આર્થિક પરિવર્તન લાવનારૂ સાબિત થશે.ઉલ્લેખનિય છે કે આ વર્ષના અંતમાં સુરત ડાયમંડ બુર્સ ધમધમતુ થઈ જવાની ધારણા છે.
આવી સ્થિતિ વચ્ચે સુરત ડાયમંડ બુર્સને લઈને સોસિયલ મીડીયામાં “સૌ ચાલો સુરત જઈએ” નું અભિયાન છેડવામાં આવ્યુ છે. ફેસબુક અને વોટ્સેપ પર એક સંદેશ વહેતો મુકી હીરાના કારોબારીઓ-ઉદ્યોગકારોને માયાવી મુંબઈની મોહજાળ છોડીને સુરત આવવા આમંત્રણ આપવામાં આવ્યુ છે.
આ સંદેશ પર એક નજર…
સૌ ચાલો સુરત જઈએ….
છોડો માયાવી મુંબઈની મોહ જાળ.
આ રહ્યા કેટલાક કારણો:
#ટૂંક સમયમાં સાકાર થનાર વૈશ્વિક કક્ષાનુ સુરત ડાયમંડ બુર્સ .
મુંબઈ કરતાં ઘણા ઓછા મેન્ટેનન્સ અને કિંમતમાં મોકળાશ વાળી ઓફિસો. ઉપરાંત અન્ય ધંધા માટે મુંબઈની સરખામણીએ મફતના ભાવમાં દુકાનો.
#સુરત ઇન્ટરનેશનલ એરપોર્ટનો વધતો વ્યાપ.
#સુરતમાં ટૂંક સમયમાં બનનાર સુરત મેટ્રો ટ્રેન.
આ ઉપરાંત એસી સિટીબસ અને બીઆરટીએસ ની સુંદર સુવિધા.
બુલેટ ટ્રેન સ્ટોપેજ.
#મુંબઈ કરતા ઘણા ઓછા ખર્ચામાં જીવનનિર્વાહ અને બેહતર લાઈફ સ્ટાઈલ.
#મુંબઈ કરતા અડધાથી ઓછા ભાવોમાં મુંબઈ થી વધુ સારા બાંધકામ અને એમીનીટી વાળા બિલ્ડિંગો અને મકાનો.ગેસ વીજળી અને પાણીની કોઇ સમસ્યા નહીં.
#અત્યંત પહોળા રસ્તા,નવા પ્લાનિંગ વાળા એરિયા અને સંપૂર્ણ સ્વચ્છ શહેર.
#વિશ્વના સૌથી વધુ *રહેવા લાયક ૧૦ શહેરો પૈકી.
#ટ્રાફિકની કોઈ પરેશાની નહીં. ઘણા ઓછા પોલ્યુશન માં શાંતિનો શ્વાસ. શુદ્ધ હવા.
#મુંબઈ કરતા ઘણી ઓછી ફી માં બાળકોનુ સારી સ્કૂલોમાં ભણતર.
#મંદિર અને દેરાસરોની ભરમાર. આવનારી પેઢી ધાર્મિક અને સંસ્કારી બનાવવા માટે ના બધા પરિબળો.
#સનાતન હિંદુ ધર્મ પ્રેમી અને સ્થિર સરકાર .
સાધુ સંતોનો પૂરો આદર અને સત્સંગ. ધાર્મિક તહેવારોની મનથી ઉજવણી.
#પરપ્રાંતીઓ દ્વારા કોઇ કનડગત નહીં.
તો ચાલો દરિયાની ખારાશ છોડીએ અને નદીની મીઠાશ માણીએ.
આ વીડીયોમા નિહાળો સુરત ડાયમંડ બુર્સની ભવ્યતાની એક ઝલક
