ફાયરસ્ટોનને બચાવવા PRRF ઇન્વેસ્ટમેન્ટ તેનો બાકીનો હિસ્સો ખરીદવા પણ તૈયાર

DIAMOND TIMES – દેવામાં ડુબેલી ફાયરસ્ટોન ડાયમંડ્સ કંપનીમાં PRRF ઇન્વેસ્ટમેન્ટ હાલમાં લગભગ ત્રીજા ભાગના શેરની માલિકી ધરાવે છે. જો કે ફાયરસ્ટોનની આર્થિક સ્થિતિમાં સુધાર આવવાના બદલે પરિસ્થિતિ વધુ તંગ બનતી જાય છે.પરિણામે ફાયર સ્ટોનને બચાવવા PRRF ઇન્વેસ્ટમેન્ટએ કંપની પાસે રહેલા બાકી ના તમામ શેર ખરીદવાની ઓફર કરી છે.

નોંધનિય છે કે PRRF ઇન્વેસ્ટમેન્ટ હોલ્ડિંગ્સ આ માઇનિંગ કંપનીના 239.9 મિલિયન શેર ધરાવે છે.ફાયરસ્ટોન લિસોથોમાં લિખોબોંગ ડિપોઝિટનું સંચાલન કરે છે.આપને જણાવી દઈએ કે ફાયરસ્ટોને લગભગ છ વર્ષ સુધી તેને ઓફલોડ કરવાનો અસફળ પ્રયાસ કર્યા પછી બોત્સ્વાનામાં આવેલી તેની ખાણને એક વર્ષ પહેલાં માત્ર 50,000 ડોલરમાં વેચી દીધી હતી.

ફાયરસ્ટોનન પાસે બાકી રહેલા શેરને ખરીદવા PRRF ઇન્વેસ્ટમેન્ટ અંદાજે પ્રતિશેર દીઠ ઇન્વેસ્ટમેન્ટ 01 ડોલરની કિંમતે કુલ 67,441 ડોલર ચૂકવશે.
ફાયરસ્ટોનનું ઊંચું દેવું અને તેનો વ્યવસાય ફરીથી ખોલવામાં પડતી મુશ્કેલીને જોતા આ ઓફર આવી છે.માઇનિંગ કંપનીએ કોવિડ-19 મહામારીની શરૂઆતમાં લિખોબોંગ ખાણને બંધ કરવાની ફરજ પડી હતી.

બીજી તરફ કંપની પર દેવું સતત વધતું જતુ હતુ તો પડકારરૂપ બજારમાં રફ હીરા વેચવામાં નિષ્ફળ રહી હતી.જેથી કંપનીને માઇન્સની સારસંભાળ અને જાળવણીને સબસિડી કરવા ઉધાર લેવાની નોબત આવી હતી માર્ચમાં ધિરાણકર્તાઓ સાથે તેના 82.4 મિલિયનના દેવાનું રિકન્સ્ટ્રક્ટ કરવા માટે વાટા ઘાટો થઈ જ્યારે તેમની લોન વીમા કંપનીએ વ્યવહાર નકારી દીધો હતો .

ફાયરસ્ટોન નાણાકીય સલાહકાર સાથે પરામર્શ પછી ઓફર પર વિચાર કરશે.

જો સોદો પાર પડે તો PRRF 2020 માં થાપણને ફરીથી ખોલવાની અને ફાયરસ્ટોન કામદારોને પુનઃ હાયર કરવાની યોજના ધરાવે છે.PRRF ઇન્વેસ્ટમેન્ટ દર વર્ષે 800,000 કેરેટના તેના પ્રી-ક્લોઝર ઉત્પાદન સુધી માઇન્સને બેક અપ કરવા માંગે છે.તે બાકી તમામ દેવું પણ ચૂકવશે અને સાઇટ પર કામગીરી ચલાવવા માટે ખાણકામ કોન્ટ્રાક્ટરને હાયર કરશે.

PRRF ઇન્વેસ્ટમેન્ટના પ્રતિનિધીએ કહ્યું કે એકવાર ફાયરસ્ટોન સ્થિર ઉત્પાદન તરફ આગળ વધે ત્યારબાદ PRRF ઘણા વ્યૂહાત્મક વિકલ્પોની શોધ કરવાનો ઇરાદો ધરાવે છે.જેમાં વેચાણ, સંપાદન અને શેરબજારમાં ફાયરસ્ટોનને ફરીથી લિસ્ટેડ કરવાની સંભાવનાનો સમાવેશ થાય છે.