DIAMOND TIMES : હીરાના આભૂષણો, સોના, ચાંદી અને લક્ઝરી ઘડિયાળોમાં વિશેષતા ધરાવતું પ્રથમ અમીરાતી એક્ઝિબિશન ‘જ્વેલ્સ ઓફ ધ એમીરાટ્સ’ શો 1 જૂન 2023ના રોજ એક્સ્પો સેન્ટર શારજાહ ખાતે શરૂ થયો છે. 1 થી 4 જૂન દરમિયાન મુલાકાતીઓ આ એક્ઝિબિશનની મુલાકાત લઇ શકશે. શારજાહ ચેમ્બર ઓફ કોમર્સ એન્ડ ઇન્ડસ્ટ્રી (SCCI) ના નેજા હેઠળ આયોજિત આ પ્રતિષ્ઠિત ઇવેન્ટની ચોથી આવૃત્તિ યોજાઇ રહી છે.
આ એક્ઝિબિશનમાં કેટલાક શ્રેષ્ઠ અમીરાતી જ્વેલરી અને ગોલ્ડ ડિઝાઇનર્સની કલાત્મકતા પ્રદર્શિત કરવામાં આવી રહી છે. સાથે જ 100 થી વધુ એક્ઝિબિટર્સ સોના, ચાંદી અને હીરાના વેપાર અને ઉદ્યોગમાં વિશેષતા ધરાવતી ટોચની સ્થાનિક બ્રાન્ડ્સ આ એક્સ્પો તહેવારોના સમયગાળા સાથે એકરુપ થયા છે. મુલાકાતીઓને કુદરતી મોતી, હીરા અને કિંમતી સ્ટોનથી શણગારેલા વિશિષ્ટ પીસીસ સહિત સૌથી ઉત્કૃષ્ટ અમીરાતી હેરિટેજ જ્વેલરી મેળવવાની અનન્ય તક આપે છે.
અસંખ્ય ઑફરો અને ડિસ્કાઉન્ટ સાથે દુકાનદારો ઇવેન્ટની સ્પર્ધાત્મક કિંમતોનો આનંદ માણી શકે છે, સાથે સાથે સેન્ટર દ્વારા આયોજિત વિવિધ ડ્રોમાં ભાગ લેવાની તક પણ મેળવી શકે છે, જેમાં સોના અને હીરા સહિત કિંમતી ઈનામો જીતવાની તક મળે છે. વધુમાં, આ શો સોના અને ઝવેરાતના ઉભરતા સાહસો માટે એક ગતિશીલ પ્લેટફોર્મ પૂરું પાડશે, યુવા અમિરાતી પ્રતિભાઓને સોનાના વેપારમાં તેમજ કલાત્મકતા અને ઉત્કૃષ્ટ જ્વેલરીના ઉત્પાદનમાં ઊંડે સુધી જોડાવા માટેની તકોને પ્રોત્સાહન આપશે. આ ઇવેન્ટ સ્થાનિક અને પ્રાદેશિક બંને બજારોમાં સ્થાનિક ઉત્પાદનોની ક્ષમતા અને સ્પર્ધાત્મકતા વધારશે.
