ખાલિસ્તાની સમર્થક PR ફર્મે રિહાનાને જંગી રકમ ચૂકવી હોવાનો ધ પ્રિન્ટનો સનસની ખેજ અહેવાલ…
ડાયમંડ ટાઈમ્સ
કૃષિ કાયદા વિરુદ્ધ ચાલી રહેલા ખેડૂત આંદોલનને દોઢ મહિનો થવા આવ્યો છે.જેમા કોઇ થ્રિલર ફીલ્મની જેમ અનેક ચડાવ-ઉતાર આવ્યા છે.હવે આ આંદોલનમાં આંતરરાષ્ટ્રીય હસ્તીઓએ પણ સમર્થન કરતાં આંદોલન વધુ ચર્ચાએ ચડ્યું છે.એક દાવા મુજબ પોપ સ્ટાર રિહાનાને ખેડૂત આંદોલનનું સમર્થનમા ટ્વીટ કરવા માટે અઢી મિલિયન ડોલરની ચુકવણી કરવામાં આવી છે.ધ પ્રિન્ટ અને કેટલાક અખબારી અહેવાલ મુજબ કેનેડાના સહીત કેટલાક દેશોના રાજકીય નેતાઓ અને કાર્યકર્તાઓ કિસાન આંદોલનનું સમર્થન કરી રહ્યા છે.જે અંતર્ગત કેનેડાની સંસ્થા પોએટિક જસ્ટિસ ફાઉન્ડેશને ખેડૂત આંદોલનને લઈને વૈશ્વિક કેમ્પેન ચલાવવામાં મહત્ત્વની ભૂમિકા ભજવી છે.
કેનેડામાં વર્લ્ડ શીખ ઓર્ગેનાઇઝેશનનાં ડિરેક્ટર અનીતા લાલ સહીતના લોકો સામેલ
પોપ સ્ટાર રિહાના,પર્યાવરણ એક્ટિવિસ્ટ ગ્રેટા થનબર્ગ,પોર્ન સ્ટાર મિયાં ખલીફા,અમેરિકાના વાઈસ- પ્રેસિડેન્ટની ભત્રીજી મીના હેરિસે ટ્વીટ કરતાં ખેડૂત આંદોલને વધુ ચર્ચા પકડી છે.એવામા ધ પ્રિન્ટના દાવા મુજબ સ્કાઇરોકેટ નામની એક PR ફર્મે પોપ સ્ટાર રિહાનાને ખેડૂત આંદોલનના સમર્થનમાં ટ્વીટ કરવા માટે રૂપિયા 18 કરોડ રૂપિયાની રકમ ચુકવી છે.ખેડૂતના સમર્થનમાં માત્ર એક ટ્વીટ કરવાના રિહાનાને 18 કરોડ રૂપિયા મળ્યા છે.સુત્રોએ ધ પ્રિન્ટને જણાવ્યું છે કે પર્યાવરણ એક્ટિવિસ્ટ ગ્રેટા થનબર્ગને આપવામાં આવેલી ટૂલકિટ તેને સ્પૂન ફીડિંગ કરવા માટે હતી અને આવું દેશમાં મોટા પાયે અશાંતિ ફેલાવવા માટે કરવામાં આવી રહ્યું હતું.પીઆર કંપનીઓમાં રિલેશનશિપ મેનેજર તરીકે કામ કરનારા ધાલીવાલ, મરીના પેટરસન, કેનેડામાં વર્લ્ડ શીખ ઓર્ગેનાઇઝેશનનાં ડિરેક્ટર અનીતા લાલ અને કેનેડિયન સાંસદ જગમીતસિંહ જેવી વ્યક્તિઓ આમાં સામેલ છે.
ધાલીવાલ પોએટિક જસ્ટિસ ફાઉન્ડેશનના ડાયરેક્ટર જ્યારે અનીતા લાલ પોએટિક જસ્ટિસ ફાઉન્ડેશનનાં સહ-સંસ્થાપક છે.આ ઓર્ગેનાઈઝેશને ગ્રેટા થનબર્ગને ષડયંત્ર માટેની ટૂલકિટ શેર કરી હતી.ખેડૂત આંદોલન અંગે ટ્વીટ કરતાં રિહાનાએ પૂછ્યું હતું કે લોકો આ અંગે કેમ વાત નથી કરી રહ્યા. એ બાદ ગ્રેટા થનબર્ગ અને પોર્ન સ્ટાર મિયાં ખલીફા પણ આંદોલનના સમર્થનમાં કૂદી પડ્યાં હતાં.જોકે આ સમગ્ર ષડયંત્ર ત્યારે બહાર આવ્યુ કે જ્યારે ગ્રેટા થનબર્ગે ભૂલથી ટૂલકિટને સોશિયલ મીડિયા પર શેર કરી હતી જેમાં સમગ્ર જાણકારી હતી.ભારતના સ્પોર્ટ્સ અને ફિલ્મ ઈન્ડસ્ટ્રીઝ સાથે જોડાયેલા પ્રતિષ્ઠિત લોકો દેશ વિરુદ્ધ ચાલી રહેલા ઈન્ટરનેશનલ ષડયંત્રને નિષ્ફળ કરવા માટે એકજૂથ થઈ ઊભા થઈ ગયા છે.
અભિનેત્રી કંગના રનૌતે માર્યા ચાબખા
આ રિપોર્ટ પર અભિનેત્રી કંગના રનૌતે ટ્વીટ કર્યું છે. તેણે લખ્યું હતું કે ‘આટલી રકમ! આટલામાં તો હું મારા ફ્રેન્ડ્સને ગિફ્ટસ આપી દઉં છું… કેટલા સસ્તા છે આ લોકો યાર હાહાહાહા….
ફોર્બ્સની યાદી સૌથી મોટું ફ્રોડ છે. તેમની પાસે કોઈપણ કલાકારની નાણાકીય લેવડ-દેવડની જાણકારી નથી હોતી, જો હું ખોટું બોલી રહી છું તો ફોર્બ્સ મારા પર માનહાનિનો દાવો કરી શકે છે.
