લંડનમાં લેબગ્રોનની લાંબી છલાંગ : ત્રણ વર્ષમાં એન્ગેજમેન્ટ રિંગે હાંસિલ કર્યો 53 ટકા બજાર હિસ્સો

DIAMOND TIMES : લંડન સ્થિત જ્વેલર ક્વિન્સસ્મિથે દાવો કર્યો છે કે લેબગ્રોન હીરા જડીત સગાઈની રીંગ આ સેક્ટરમાં અડધાથી વધુ હિસ્સો ધરાવે છે.2019 માં લેબગ્રોન એન્ગેજમેન્ટ રિંગનો બજાર હિસ્સો માત્ર 1% હતો, જે 2022માં વધીને 53% જેટલો થયો છે.જ્વેલર એક અખબારી યાદીમાં દાવો કર્યો છે કે નેચરલ હીરાની હજુ પણ મોટી માંગ હોવા છતાં લેબગ્રોન અને નેચરલ હીરાની માંગમાં તફાવત સતત ઘટી રહ્યો છે. હેટન ગાર્ડન સ્થિત ક્વીન્સમિથ માને છે કે ગ્રાહકોમાં લેબગ્રોન ડાયમંડની ઝડપથી વધી રહેલી લોકપ્રિયતાના ઘણા પરિબળો છે.જેમાં લેબગ્રોન ડાયમંડના નીચા ભાવ અને વધારાના પર્યાવરણીય લાભોનો સમાવેશ થાય છે.જ્વેલરે દાવો કર્યો હતો કે જ્યારે 1-2 ct ના હીરાને જોતા હોય ત્યારે લેબગ્રોન ડાયમંડ સામાન્ય રીતે કુદરતી હીરા કરતા 75-80% જેટલા સસ્તા હોઈ શકે છે. વર્તમાન કોસ્ટ-ઓફ-લિવિંગ કટોકટી દરમિયાન ગ્રાહકો માટે આ ખાસ કરીને મહત્વપૂર્ણ છે.ઉત્પાદનના ટકાઉપણાના લાભોના વિષય પર જ્વેલર્સે કહ્યું કે ખાણકામ કરતાં લેબ ડાયમંડ બનાવવા માટે ઘણી ઓછી જમીનનો ઉપયોગ થાય છે.અને લેબગ્રોન ડાયમંડથી બ્લડ ડાયમંડની શક્યતાઓ ઓછી થઈ જાય છે. તેમણે કહ્યું કે જો કે લેબગ્રોન ડાયમંડ બનાવવા માટે ઘણી ઊર્જાની જરૂર પડે છે. આ એક એવી વસ્તુ છે જેના પર લેબગ્રોન ડાયમંડ સર્જકો સતત કામ કરી રહ્યા છે. દરેક હીરાને બનાવવા માટે જરૂરી સમય અને સંસાધનોની લંબાઈને ઘટાડે છે. બજારમાં વધુને વધુ લેબગ્રોન હીરાનું ઉત્પાદન સૌરઉર્જા જેવા નવીનીકરણીય ઉર્જાથી કરવામાં આવી રહ્યું છે

તેમણે કહ્યું કે એકંદરે લેબગ્રોન હીરાને ખાણકામ કરેલા હીરા કરતાં વધુ ટકાઉ ગણવામાં આવે છે. વધુ કાર્યક્ષમ અને ઓછા ઉપભોક્તા બનવા માટે તેમની ટકાઉતાની હદ વધવાની આગાહી કરવામાં આવે છે. કારણ કે ટેક્નોલોજીઓ પૂર્ણ થાય છે. જો કે ગ્રાહકો જાણવા લાગ્યા છે કે બે ઉત્પાદનો રાસાયણિક રીતે સમાન છે. જે વેચાણમાં તાજેતરના વધારા પાછળ જ્વેલર્સ માને છે. ક્વીન્સમિથના રત્નશાસ્ત્રી અને ડિઝાઇન નિષ્ણાત લૌરા સુટીએ જણાવ્યું હતું કે, 2019માં લેબગ્રોન હીરાનો બજાર હિસ્સો માત્ર 1% હતો,જે 2022માં વધીને 53% થયો છે જે લેબગ્રોન હીરાની જંગી માંગ દર્શાવે છે.

સુરત લેબગ્રોન ડાયમંડ પ્રોડક્શનનું પણ હબ બનશે

સુરતનો ડાયમંડ ઉદ્યોગ વિશ્વભરમાં પોતાની આગવી ઓળખ ધરાવે છે.આંતરરાષ્ટ્રીય સ્તર પર અત્યાર સુધી સુરતના પોલિશ્ડ હીરા વખણાતા હતા.પરંતુ હવે સુરતમાં લેબગ્રોન ડાયમંડ ઉદ્યોગ નવી ક્રાંતિ તરફ આગળ વધી રહ્યો છે.સુરતમાં વર્તમાન સમયમાં લેબગ્રોન ડાયમંડ બનાવતા કુલ 2500 મશીનો કાર્યરત છે.જેમાં દર મહિને 2 લાખ કેરેટ ડાયમંડ ‘ઉગે’ છે.5 વર્ષમાં એક્સપોર્ટ 1400 કરોડથી 6 ગણો વધી 8500 કરોડ સુધી પહોંચી ગયું છે.

સુરતમાં વિશ્વભરમાંથી આવતા રફ ડાયમંડને ચમક આપવામાં આવે છે અને લાખો કરોડોની હીરાની નિકાસ સુરતથી થાય છે.સુરતમાં અત્યાર સુધી માત્ર નાની ઘંટીઓ ઉપર જ લેબગ્રોન ડાયમંડ ઘસાતા હતા.પરંતુ હવે મોટા કારખાનામાં પણ તેની ચમક આપવામાં આવી રહી છે.એ જોતા કહી શકાય કે ડાયમંડ ઉદ્યોગ નવી ક્રાંતિ તરફ અગ્રેસર થઈ રહ્યું છે. સુરતમાં લેબગ્રોન ડાયમંડનું પ્રોડક્શન અને તેનો એક્સપોર્ટ પાંચ વર્ષમાં છ ગણો વધી ગયો છે.આને કારણે સુરત શહેરને હવે નવી ઓળખ મળી છે.

સુરતમાં લેબગ્રોન ડાયમંડના પ્રોડ્કશનમાં આવનાર 1 વર્ષમાં 900% વધારો થશે.અત્યારે સુરતમાં કુલ 2500 મશીનો કાર્યરત છે.જે આંક 5000 પર પહોંચશે.લેબગ્રોન ડાયમંડ બનાવતી મોટી 10 ફેક્ટરી છે.નાના યુનિટો 300 કરતા વધારે છે.હાલ પ્રતિ માસ 2 લાખ કેરેટ લેબગ્રોન હીરા સુરતમાં બને છે.ચીન HPHT ટેકનોલોજીની મદદથી પાતળી સઈઝના હીરા તૈયાર કરે છે.પરંતુ સુરતમાં જો પાતળી સાઈઝના હીરા તૈયાર કરવા હોય તો વીજળીની ખુબ જરૂરિયાત ઉભી થાય છે.જેથી સુરતમાં નાની સાઈઝના લેબગ્રોન હીરા બનાવવા પરવડે તેમ નથી.

40% ફેક્ટરીમાં લેબગ્રોન ડાયમંડ કટીંગ થાય છે.

સુરતની નામાંકિત હીરા કંપનીઓ પહેલા માત્ર નેચરલ ડાયમંડ કટીંગ કરતી હતી.પરંતુ હવે આંતરરાષ્ટ્રીય બજારોમાં લેબગ્રોન ડાયમંડની માગ વધતા 40% ફેક્ટરીઓ હવે ધીરે ધીરે લેબગ્રોન ડાયમંડ કટીંગ કરવાનું શરૂ કરી દીધું છે.જે સૂચવે છે કે હવે રિયલ ડાયમંડની સાથે લેબગ્રોન ડાયમંડનું કામ કરવું પણ લાભકારક છે.ડાયમંડ ઉદ્યોગ સાથે સંકળાયેલી મોટી ફેક્ટરીઓ પણ હવે લેબગ્રોન તરફ આકર્ષાય રહી છે.એક અંદાજ મુજબ આગામી ત્રણ વર્ષમાં લેબગ્રોન હીરાને ચમક આપતા કારખાનાની સંખ્યા વધીને 70% થઈ જશે.

હીરા ઉદ્યોગમાં સમયાંતરે રફ ડાયમંડની ખૂબ અછતની સ્થિતિ ઉભી થતી હતી. હવે સુરતમાં રફ ડાયમંડની અછત ઊભી થશે નહીં. કારણ કે સુરતમાં જ મહિને લાખો કેરેટ ડાયમંડ પ્રોડક્શન થશે. જેથી ચીન કે રશિયા ઉપર વધુ પડતું અવલંબન રહેશે નહીં. હવે લેબગ્રોન ડાયમંડ સુરતમાં જ તૈયાર થાય છે અને સુરતમાં જ કટિંગ થશે. રશિયા અને યુક્રેન વચ્ચે ચાલી રહેલા યુદ્ધને કારણે અલરોસા જેવી કંપની ઉપર વૈશ્વિક સ્તરે પ્રતિબંધો લાગતા રફ ડાયમંડની અછત ઉભી થઇ હતી.

લેબગ્રોન ડાયમંડની 70થી 80% ઓછી કિંમત તેની માંગ માટે મુખ્ય સકારાત્મક પરિબળ

લેબગ્રોન ડાયમંડ વૈશ્વિક સ્તરે નવી યંગ જનરેશનને ખુબ પસંદ છે.નેચરલ ડાયમંડમાં રક્તરંજીત હીરાની સમસ્યા છે.જેથી અમેરિકા તથા યુરોપના યુવાવર્ગ પ્રકૃતિનું દહન કરીને કે લોકોનું શોષણ કરી મેળવવામાં આવતા હીરાની તુલનાએ લેબમાં તૈયાર થયેલા ઇકો ફ્રેન્ડલી ડાયમંડ વધુ પસંદ કરે છે.વળી નેચરલ ડાયમંડ કરતા લેબગ્રોન ડાયમંડ 70થી 80% ઓછા ભાવે મળી જાય છે.જે તેની માંગ માટે મુખ્ય સકારાત્મક પરિબળ છે.

લેબગ્રોન ડાયમંડ સુરતમાં પોડક્શન થતા અહીં જ્વેલરી ઉદ્યોગ માટે સુવર્ણ તકો ઉભી થઈ છે. સુરત શહેર પોતે ડાયમંડનું પ્રોડક્શન કરશે, કટીંગ પણ કરશે અને જ્વેલરી પણ બનાવશે. સુરત શહેરમાં જ્વેલરી બનાવનારા કારીગરો પણ ખૂબ ઓછા છે. બીજી તરફ આંતરરાષ્ટ્રીય સ્તરે જ્વેલરીની ખૂબ માગ વધી છે. સુરતમાં જ્વેલરી પ્રોડક્શન શરૂ કરવા માટે માગની સામે માત્ર 10% જ ફેક્ટરીઓ છે. જો સુરતમાં જ્વેલરી ફેક્ટરીઓ હજી નવી ઉભી થઈ તો મહિને હજારો કરોડનું વિદેશી હૂંડિયામણ રળી આપે તેવી શક્યતા છે.

સુરતમાં માત્ર 150 જ્વેલરી ફેક્ટરી રજિસ્ટર

લેબગ્રોન ડાયમંડ પ્રોડક્શનને કારણે ડાયમંડ કટિંગ કરવામાં અને જ્વેલરી બનાવવા માટે લાખો કારીગરોની જરૂરિયાત ઉભી થશે. હાલ સુરત શહેરમાં 4 લાખ જેટલા રત્નકલાકારો છે અને રાજ્યભરમાં 15થી 20 લાખ જેટલા છે. જે રીતે લેબગ્રોન ડાયમંડનું પ્રોડક્શન થઈ રહ્યું છે, તેના કારણે ડાયમંડ વર્કરોની માગ સર્જાશે. ડાયમંડ ઉદ્યોગ હજી પણ લાખો લોકોને રોજગારી આપી શકે તેવી સ્થિતિમાં દેખાશે. લેબગ્રોન ડાયમંડની જ્વેલરી ખુબ સસ્તા ભાવે બજારમાં આવવાથી તેની માગ વધશે. જોકે હાલ સુરતમાં માત્ર 150 જેટલી જ જ્વેલરી ફેક્ટરીઓ રજિસ્ટર થયેલી છે.

ક્રિસ્ટલ સ્ટ્રક્ચર અને રાસાયણિક રચનાનો કમાલકૃત્રિમ રત્ન એ જ ક્રિસ્ટલ સ્ટ્રક્ચર અને રાસાયણિક રચનાવાળા માનવ રચિત ક્રિસ્ટલ છે. જે વિશિષ્ટ રત્ન બનાવવામાં આવી રહ્યા છે. તેથી લેબગ્રોન ડાયમંડએ કુદરતી હીરા જેવું જ ક્રિસ્ટલ સ્ટ્રક્ચર અને કેમિકલ કમ્પોઝિશન ધરાવે છે. સિંગલ ક્રિસ્ટલ હીરા ઉગાડવાની બે ટેકનિક છે. પ્રથમ અને સૌથી જૂની એ હાઇ પ્રેશર હાઇ ટેમ્પરેચર (HPAT) ટેકનિક છે. આ પ્રક્રિયા હીરાની સામગ્રીના બીજથી શરૂ થાય છે. સંપૂર્ણ હીરાની જેમ પ્રતિકૃતિ અત્યંત ઉંચા દબાણ અને તાપમાન હેઠળ લેબમાં તૈયાર થાય છે.

પ્રક્રિયાઓ એ ખૂબ જ અદ્યતન તકનીક

કૃત્રિમ હીરા ઉગાડવાની નવી રીત એ કેમિકલ વરાળ ડિપોઝિશન તકનીક છે. એક ચેમ્બર કાર્બન સમૃદ્ધ વરાળથી ભરેલો હોય છે. કાર્બન અણુ બાકીના ગેસનો ઉપયોગ કરીને હીરા ક્રિસ્ટલના વેપર પર જમા થાય છે. જે સ્ફટિકીય માળખાને સ્થાપિત કરે છે. કારણ કે રત્ન એક સ્તર દ્વારા સ્તર વધે છે. લેબમાં તૈયાર કરવામાં આવતા હીરા બનાવવામાં આવે છે. આ બંને પ્રક્રિયાઓ એ ખૂબ જ અદ્યતન તકનીકઓ છે. જે ચોક્કસ હીરાની જેમ જ રાસાયણિક બંધારણ અને ગુણધર્મો સાથેના સ્ફટિકોનું નિર્માણ કરે છે.

રિયલ ડાયમંડ કરતાં પણ લેબગ્રોન ડાયમંડ ખરીદવો ખૂબ પસંદ

લેબગ્રોન ડાયમંડની માગ વિશ્વભરમાં ખૂબ મોટા પાયે વધી રહી છે. અમેરિકા જેવા દેશોમાં તો આ ડાયમંડની ખૂબ જ ડિમાન્ડ વધી છે. રિયલ ડાયમંડની સરખામણીએ તે ખૂબ જ સસ્તો છે.મહત્વની બાબત એ છે કે જે રિયલ ડાયમન્ડ છે તે ખાણમાંથી કાઢવામાં આવે છે જેના કારણે અનેક મુશ્કેલી ઊભી થતી હોય છે. પર્યાવરણને પણ નુકસાન થાય છે અને ઘણી વખત ખાણમાં કામ કરતા કામદારોનું શોષણ થવાની વાતો પણ સામે આવતી હોય છે. તેવા સંજોગોમાં અમેરિકા જેવા દેશોમાં જે જનરેશન ઝેડ તરીકે ઓળખાય છે તે યુવા વર્ગ રિયલ ડાયમંડ કરતાં પણ લેબગ્રોન ડાયમંડ ખરીદવો ખૂબ પસંદ કરી રહ્યા છે.

જ્વેલરી ક્ષેત્રે લેબગ્રોન ડાયમંડની માગ ખુબ વધી

જેમ એન્ડ જ્વેલરી પ્રમોશન કાઉન્સિલના રિજિયોનલ ચેરમેન દિનેશ નાવડિયાએ જણાવ્યું કે લેબગ્રોન ડાયમંડનો વ્યાપ ખુબ વધી રહ્યો છે. સુરતમાં પણ તેના યુનિટો ખૂબ મોટા પ્રમાણમાં શરૂ થઈ રહ્યા છે. યુરોપિયન દેશોમાં અમેરિકા સહિતના દેશોમાં જ્વેલરી ક્ષેત્રે લેબગ્રોન ડાયમંડની માગ ખુબ વધી છે. સુરતની અંદર હવે આ ડાયમંડ તૈયાર કરવામાં આવી રહ્યા છે. જેના કારણે મોટી રોજગારી ઊભી થશે અને મોદી સરકારનું જે મેકિંગ ઇન્ડિયાનું અને આત્મનિર્ભર ભારત બનવાનું સપનું છે તે દિશામાં આગળ વધી શકાશે.

આગામી પાંચ વર્ષની અંદર લેબગ્રોન ઉદ્યોગની પ્રગતિ કલ્પના બહાર હશે

લેબગ્રોન ડાયમંડ એસોસિએશનના પ્રમુખ બાબુ વાઘાણીએ જણાવ્યું કે હજારો કરોડનો બિઝનેસ ઊભો થઈ રહ્યો છે. આગામી પાંચ વર્ષમાં અકલ્પનીય રીતે લેબગ્રોન ડાયમંડનો વેપાર સુરતમાં થશે. હાલ જે કંપનીઓ ડાયમંડ બનાવી રહી છે તેના કરતાં પણ વધુ યુનિટો આગામી પાંચ વર્ષમાં જ શરૂ થઈ જશે. મારા અંદાજ મુજબ માત્ર એક વર્ષમાં આ ઉદ્યોગ 900% જેટલો ગ્રોથ કરી શકે છે. તો આગામી પાંચ વર્ષની અંદર સ્થિતિ શું હશે તે કલ્પના બહાર છે. લેબગ્રોન ડાયમંડ એસોસિએશન આ ઉદ્યોગને વધુમાં વધુ વધારવા માટે સતત કેન્દ્ર સરકાર સાથે અને રાજ્ય સરકારને રજૂઆત કરી રહી છે. મહત્વની બાબત એ છે કે સરકાર પણ ખૂબ જ સારી રીતે આ ઉદ્યોગને આગળ લાવવા માટે વિચારી રહી છે.

લેબગ્રોન હીરા ભારતીય જ્વેલરી ઉદ્યોગ માટે ભવિષ્યને ખોલવાની ચાવી

ભારતીય જેમ્સ એન્ડ જ્વેલરી ઉદ્યોગ વિશ્વના સૌથી મોટા ઉદ્યોગોમાંનો એક છે અને જ્વેલરીના વૈશ્વિક વપરાશમાં 29 ટકાથી પણ વધુનું યોગદાન આપે છે. આ ઉદ્યોગ 40 લાખથી વધુ કર્મચારીઓને રોજગારની તકો પૂરી પાડે છે અને તેમાં 3,00,000 થી વધુ જેમ્સ અને જ્વેલરી મહારથીઓનો સમાવેશ થાય છે.

ભારત હવે લેબગ્રોન ડાયમંડ જ્વેલરી માટે પણ ઉભરતો સ્ત્રોત છે અને CVD ડાયમંડ પ્લેયર્સ અને ઉત્પાદકો ચોક્કસપણે ભારતને નવા-યુગના હીરાના સ્પર્ધાત્મક લાભને અનલોક કરવામાં મદદ કરશે. સારા સમાચાર એ છે કે લેબગ્રોન હીરાની માંગ મિલેનિયલ્સ અને Gen-Z વચ્ચે સતત વધી રહી છે. જેમ એન્ડ જ્વેલરી એક્સપોર્ટ પ્રમોશન કાઉન્સિલે એપ્રિલ 2021 થી જાન્યુઆરી 2022 દરમિયાન લેબગ્રોન હીરાની નિકાસ 1.05 બિલિયન ડોલર હોવાની નોંધ કરી છે જે 113 ટકાની વૃદ્ધિ નોંધાવે છે.

યુ.એસ.એ., હોંગકોંગ, ઇઝરાયેલ અને બેલ્જિયમમાં લેબગ્રોન હીરાની નિકાસમાં ભારત મુખ્ય સપ્લાયર છે. ભારતમાં સુરત શહેર, હીરાની પોલિશિંગ અને કટીંગમાં વિશ્વમાં અગ્રેસર છે, અને તાજેતરના વર્ષોમાં લેબગ્રોન હીરા ઉત્પાદકોની સંખ્યામાં સતત વધારો જોવા મળી રહ્યો છે. લેબગ્રોન હીરાનું ઉત્પાદન રિએક્ટરમાં થાય છે અને રિએક્ટરની સંખ્યામાં વધારો એટલે ઝડપી હીરાનું ઉત્પાદન.

ભારતમાં હાલમાં 2,000 થી વધુ ડાયમંડ રિએક્ટર છે, આ રિએક્ટર મુખ્યત્વે સુરતમાં છે, ત્યારબાદ જયપુર અને મુંબઈનો ક્રમ આવે છે. સ્થાનિક તેમજ વૈશ્વિક સ્તરે માંગ વધી રહી છે, જેના કારણે લેબગ્રોન બનાવતા ઉત્પાદકો ઉત્પાદનમાં ભારે વધારો કરવાના પ્રયાસો કરી રહ્યા છે. ટેક્નોલોજીકલ પ્રગતિ, ખર્ચ-કાર્યક્ષમતા અને રંગીન પોલિશ્ડ લેબગ્રોન હીરાનું ઉત્કૃષ્ટ આઉટપુટ ભારતને આ હીરાના ઉત્પાદન અને પ્રક્રિયા માટેનું મુખ્ય હબ બનાવવા માટે તૈયાર છે.

ભારતનું પોલિશ્ડ લેબગ્રોન હીરાનું બજાર દર વર્ષે લગભગ 55 ટકાના દરે વધી રહ્યું છે. ભારતમાં લેબગ્રોન સેગમેન્ટનું ભવિષ્ય ઉજ્જવળ છે અને તેમાં રોજગાર સર્જન માટેની મોટી સંભાવના જોવામાં આવી રહી છે અને તે દેશની નિકાસ બાસ્કેટમાં સક્રિયપણે યોગદાન આપી રહ્યું છે. દેશમાં કોવિડ-19ની બીજી લહેર બાદ લેબગ્રોન હીરાની માંગમાં પણ વધારો થયો છે. નિષ્ણાતો માને છે કે કોવિડ પછીની ‘રિવેન્જ શોપિંગ’એ લેબગ્રોન જ્વેલરીની માંગમાં મોટા પ્રમાણમાં ફાળો આપ્યો છે. અગ્રણી છૂટક વિક્રેતાઓ અને ઉત્પાદકોના જણાવ્યા અનુસાર, ગયા વર્ષના વેચાણની તુલનામાં લેબગ્રોન હીરાની માંગમાં 50-60 ટકાનો વધારો થયો છે અને આ ટ્રેન્ડ ચાલુ છે.

લેબગ્રોન હીરા ખાણકામ કરેલા હીરાની તુલનામાં ટકાઉ, એન્વાયરમેન્ટ ફ્રેન્ડલી અને અત્યંત સસ્તું છે અને મિલિનિયલ્સ ગ્રાહકોમાં તે લોકપ્રિય છે. મિલેનિયલ્સ દુલ્હન અને ટોચની હસ્તીઓમાં આ હીરાની સતત માંગ છે. રિટેલરોએ પણ કોવિડ પછી માંગમાં વધારો અનુભવ્યો હતો. પ્રતિબંધો હળવા થયા બાદ લોકો છેલ્લા ઘણા સમયથી લોકડાઉનનો સામનો કરી રહ્યા હતા. Millennials લક્ઝરી જ્વેલરીમાં સામેલ થવા માગતા હતા જે અદભૂત તો છે.પરંતુ ખીસ્સાને પરવડે તેવા પણ છે. પરંપરાગત હીરાની જ્વેલરીની કિંમતના 1/4માં કિંમતે ખરીદી શકાતા લેબગ્રોન હીરા એ સ્ટોનની સંપૂર્ણ પસંદગી છે અને તેમાં ખૂબ જ સુંદર હીરા પણ છે.

હીરાનું વૈશ્વિક લેબગ્રોન ઉત્પાદન 6-7 મિલિયન કેરેટ છે, જેમાંથી ભારત 1.5 મિલિયન કેરેટનું ઉત્પાદન કરે છે. આ લેબગ્રોન સેગમેન્ટની ઝડપી સફળતા અને માંગ અને ભારતીય જ્વેલરી ઉદ્યોગ માટે લેબગ્રોન હીરાની ભાવિ સંભાવના દર્શાવે છે. યુવા હીરાના ગ્રાહકો લેબગ્રોન હીરાના ઘરેણાંના પ્રેમમાં પડી રહ્યા છે કારણ કે તે પર્યાવરણને અનુરૂપ છે અને પરંપરાગત હીરાની સરખામણીમાં ઘણી ઓછી કિંમતે તે મેળવી શકાય છે. Gen-Zઅને Millennials લેબ-ઉગાડવામાં આવેલા હીરા માટે લગભગ 70 ટકા ગ્રાહકો બનાવે છે.

લેબગ્રોન હીરા બનાવવાની ટેકનોલોજી અને નવીનતાએ નિર્ણાયક પ્રગતિ કરી છે, જેના કારણે સસ્તા દરે શ્રેષ્ઠ ગુણવત્તાના હીરા બનાવવાનું શક્ય બન્યું છે. લેબગ્રોન હીરાના વર્તમાન વિકાસના તબક્કા ભારતીય બજારમાં ઉદ્યોગના એકત્રીકરણ, મર્જર અને એક્વિઝિશન તરફ દોરી જશે. લેબમાં હીરા બનાવવા એ એક ઉચ્ચ તકનીકી અને પડકારજનક વ્યવસાય છે અને તેના માટે યોગ્ય પ્રતિભા, ધીરજ અને પ્રતિબદ્ધતાની જરૂર છે.

શરૂઆતમાં, ઇચ્છિત કેરેટ અને રંગ બનાવવા એ એક પડકાર હતો,પરંતુ સતત પ્રયત્નો, પ્રયોગો અને સતત નવીનતા સાથે ભારતમાં ઉત્પાદકો હવે ઉચ્ચ-ગુણવત્તાવાળા પોલિશ્ડ હીરાનું ઉત્પાદન કરવા માટે અત્યંત સક્ષમ બન્યા છે. લેબગ્રોન હીરાની વધતી જતી માંગને કારણે ભારત સરકારે લેબગ્રોન હીરાના વેપારને નિયમિત કરવા માટેના પ્રયાસો શરૂ કર્યા છે જેથી ઉદ્યોગના સમર્થકોને આ નવા યુગના ઉદ્યોગમાં સાહસ કરવા માટે પ્રોત્સાહિત કરવામાં આવે જે 2035ના અંત સુધીમાં રૂ. 3,60,000 કરોડ થવાનો અંદાજ છે. ભારત સરકાર લેબગ્રોન હીરાના ઉત્પાદનને વેગ આપવા અને ઉત્પાદન-લિંક્ડ પ્રોત્સાહક યોજનાઓ બનાવવા માટે વિશેષ લાભોનું આયોજન કરવાની પ્રક્રિયામાં પણ છે.